KADIANG'A Download the A4 book as a PDF, or use Ctrl+P to print with background graphics enabled.

Dholuo lineage record

KADIANG'A

27 June 2026

A print-ready edition preserving the Kadianga and Kamnwa genealogy text from the source document.

Red · Blue · Black · White Dholuo Cultural Palette

Contents

The structure follows the source document while using the same print-book logic as Son of the Nile 2.0.

  1. 01Dhoudi mag Kadianga1
  2. 02Dianga, Omungu, Omolo, Obong'o kod Odul2
  3. 03Waminywa, Owiso kod Bienge3
  4. 04Dhood Kamnwa kod Chakruok Kamnwa4
  5. 05Magonya, Bwanga kod Joka Warewe5
  6. 06Joka Warria, Nyabondo, Waanda kod Kamgan6
Page 01

Dhoudi mag Kadianga

Kadianga en achiel kuom dhout Nyakach motingo dhoudi mopogore opogore maromo aboro. Giduto gidak wangachiel kaka oganda. Dhoudigo gin:

  • Kobong'o
  • Kodul
  • Kamnwa
  • Kamgan
  • Kabienge
  • Waanda kata Miniambo
  • Wadanda
  • Kamsadhi kata Ndagaria manene owuok kuom Kawango
KADIANG'A · 27 June 2026Page 1
Page 02

Dianga, Omungu, Omolo, Obong'o kod Odul

Dianga nene en nyar Usonga. Chuore nene iluongoni Omungu. Omungu nene ogore kuom Oywa ma opidhe kaka wuode ma onyombone. Bang' kao Dianga, nene ginyuolo Omolo. Omolo to nene onyuolo Obong'o kod Odul. Obong'o kod Odul ka dongo to nene gi gidak kagiherore nyaka nene gikendo. E ngimagi nene gidak kaka jodwar kendo jopith.

Bang' tho wuod Odul ma Agowinyyo manoweyo chiege ma Owiso, e kindeno ka chieng' moro Obong'o kod Odul nene jodhi dwar mwalo e got Wambusa, nene gipo nono ka gogore kuom Waminywa kod nyige adek ka gitedo. Kane gineno Obong'o kod Odul, luoro nene omakogi kagiparo ni mit gidhi negogi. Gikanyo nene gisecho kagiywak ni gin bende gin Luo kik gi neggi.

KADIANG'A · 27 June 2026Page 2
Page 03

Waminywa, Owiso kod Bienge

Bang' chiwo yuakgi, nene owegi mak oneggi. To kaka wuod Odul ma Agowinyo nene osetho, Odul nene oyie mondo okaw Waminywa odhigo mondo koro Waminywa okaw kar wuode ka okawo Owiso chi Agowinyo motero kendo odakgo kaka chiege.

Bang' tero Owiso, Waminywa nene onyuolo kode Bienge. Kaka nene Odul obiro gi Waminywa gi nyige adekgo, gin bende ne onyuomgi kanyo ei Kamnwa.

Bienge ka osepong nene owuok ma obiro Kamnwa mondo obandh dhok mane onego nyuom nyiminene adek ka mondo en bende odhi onyombgo. Kaka nene obiro e kaka en bende ne osiko ei Kamnwa. Bienge ka ni Kamnwa ne okendo mon adek manegin Warire, Ochieng' kod Agutu ma osiko ei Kamnwa. Koro joka Agowinyo nosiko kod Kamnwa.

KADIANG'A · 27 June 2026Page 3
Page 04

Dhood Kamnwa kod Chakruok Kamnwa

DHOOD KAMNWA

Kamnwa en oganda marangolo ei Kadianga. Othoth ochakore Sango nyaka ochopo Atela Sondu. Otingo dhoudi kaka: Kamoth, Kabienge, Waanda kod Warewe motingo Chimo, Odiwa, Mifua, Awuor kod Sawo manokwany gi Joka Bwanga.

CHAKRUOK KAMNWA

Kamnwa en oganda ma nene owuok e koth Waminywa jagono ma nene Odul okelo mondo oter chi wuode ma Agowinyo ma nene otho to oweyo chiege ma Owiso. Odul koro nene kwane kaka wuode. Bang' tero Owiso, nene onyuolo kode Bienge. Nyi Waminywa adek ka bende nene okaw ma okendi kod Okoko gi Watindwa.

Ka koro Bienge ne osebodo maduong' moromo kendo nene odhi Kamnwa mondo obandh dhok kuom nyiminene adek manene okend Kamnwa to kaka nene odhino nene ochweyo ma osiko kuno. Koro Waminywa nene olokore ng'at Omolo mosiko ei ogandano.

Ema omiyo Ka Omolo nene chiegni tho to nene oluongo Odul ma onyise ni ka otho to imi Minwani chiega ma Moth ma nene pok onyuol mondo Minwani obedgo oritna. Bang' kawo Moth chi Omolo to nene Nyasaye okonyogi ma Moth nene onyuolo Magonya.

KADIANG'A · 27 June 2026Page 4
Page 05

Magonya, Bwanga kod Joka Warewe

Bang' nyuolo Magonya, Moth nene nigi japite miluongo ni Bwanga nyar Usonga bende nene omiyo Minwani mochwe okawo oloko chiege. Bwanga ka obet gi Minwani en bende ne onyuolo kode nyithindo ariyo. Wuode maduong' nene en Danda, eka bange ne onyuolo Rewe ma ong'ere ni Joka Warewe.

Yawuot Rewe gin Odiwa, Chimo, Mifua, Awuor kod Sawo ma nene okwany kagiloso sap yiegi ema omiyo iluonge ni Sawo. Chimo ema nene odak kode ma onyombone. Bang'e Sawo nene onyuolo Gonglo. Gonglo to nene onyuolo Abuor. Abuor bende nene onyuolo Ogi kod Abuoir.

Ogi to nene onyuolo Obuya ma nene onyuolo Miri. Eka Miri to nene onyuolo Odegi kod Obuya. Odegi to nene onyuolo Warria. Warria koro ne onyuolo Odegi, Gideon Aoko, Benjamin Miri, Wilson Owiwa kod Hesekia Ahadho.

Ndare to nene onyuolo Ojenge ma wuon Alala kod Akoto. Joka Warria Nyawir oting'o Joka Wadawi, Joka Omolo kod Joka Okoko.

Joka Abuor e kama Joka Ayado wuokie ma oting'o Joka Gogo, Joka Michiewa kod Joka Owala. To Joka Ogi ema oting'o Joka Warria go Joka Odongo.

KADIANG'A · 27 June 2026Page 5
Page 06

Joka Warria, Nyabondo, Waanda kod Kamgan

E oganda mar Kamnwa, Joma nene okuongo biro Nyabondo nene en Nina Joka Chimo ema nene odonjo Obuya. Eka Warria kod Alala joluwe to ne ok ginyal donjo ka Nina nikech nene gin nyithinde. Koro nene gin bende gigoyo par gi bute. Nyakwaka kwar Amolo Sigu kobiro to en bende nobako pare mokiewo kodgi.

Wangwe wuon Francis Yongo to kane obiro to nene okalo mochweyo soko ma kor Ong'ere ni soko ka ngwe. Magi duto koro nene oriwo Joka Moth motingo Magonya gi Bienge. Joka Miniambo miluongo ni Waanda man ei Obong'o nene omi nying' mar Korle ma le luwo to gin welo ei Dianga kwargi en Miniambo wuod Mwamba.

Kamgan miluongo ni Migeni bende welo manene owuok kuom Ndaria osekendore kane Jimbo okawe omaye Ndaria. Bang' kethore gi Jimbo ka nene otimo tora gi nyar Jimbo eka nene oringo odhi ir Obong'o ma orwake olokore ng'ate. Kuom libembni duto man ei Dianga, Kamnwa emathoth moloyogi duto.

KADIANG'A · 27 June 2026Page 6
KADIANG'A
Dhoudi, oganda, kendo pogruok mar kaka kwere ne odak. 27 June 2026

KADIANG'A · 27 June 2026
Copyright ©️ 2026 Charles Ananga Buge K'Okolo, Teddy Warria, SON OF THE NILE ("We, Us, Ours") - Winning African Narrative (WAN). All rights reserved.